Порталдың жаңалығы – Қасым-Жомарт Тоқаевтың «Әкем туралы сөз» атты аудиокітабы. Бұл байопик қазақ әдебиетіндегі детектив жанрының негізін қалаушы Кемел Тоқаевқа арналған.
Кітапта автор әйгілі әкесінің өмірі мен шығармашылығы туралы жеке естеліктерімен бөліседі, Кемел Тоқаевтың өмірбаянындағы негізгі сәттерге назар аударады: балалық шағы, Ұлы Отан соғысындағы қатысуы, жазушы ретінде қалыптасуы. Автор анасы – Тұрар Шабарбаеваға арнайы тарау арнады, ол өмірдің адал серігі, ошақтың сақтаушысы және жазушының шығармашылығына шабыт берген адам.
Кітап президенттің отбасылық құндылықтар, борыш және жауапкершілік, үлкен буынның мұрасы туралы ойларымен толы.
Қасым-Жомарт Тоқаевтың шынайы сезімдері бұл шығарманы жас ұрпақ үшін терең әрі маңызды етеді.
Кемел Тоқаев ХХ ғасырдағы отандық әдебиетте жарқын із қалдырды; оның шығармалары әріптестері, сыншылары, оқырмандары тарапынан мойындалды және Қазақстан мен Кеңес Одағында бестселлерлерге айналды.
Президенттің аудиокітабы Kitap.kz, Topiq.kz, Kazneb.kz қосымшаларында да қолжетімді болады.
Жақын арада Ұлы жеңістің 80 жылдығын тойлау аясында adebiportal.kz порталында майдангер қазақ жазушыларының аудиокітаптары жарияланатын болады: Бауыржан Момышұлы «Артымызда Москва» («За нами Москва: записки офицера»), Тахауи Ахтанов «Қаһарлы күндер» («Грозные дни»), Әбдіжәміл Нұрпейісов «Күткен күн» (Долгожданный день), Әзілхан Нұршайықов «Ақиқат пен аңыз» («Истина и Легенда»), Кемель Тоқаев «Солдат соғысқа кетті» («Солдат ушёл на войну»), Қасым Аманжолов «Ақын өлімі туралы аңыз» («Сказание о смерти поэта»).