Парижде «Cinema Heritage» фестивалінде Қазақстаннан 4 фильм ұсынылды, деп хабарлайды Kazpravda.kz «24KZ» сілтемесімен
Қазақстанның соңғы самурайы – жапондық әскери тұтқын Ахико Тецураның жүрекжарды тарихы – Францияда алғаш рет көрсетілді. Эльдар Капаров пен Алия Увальжанованың «Соғыс тұтқындары» фильмі Жапонияда және АҚШ-та таныстырылды, әлемдік цифрлық платформаларда орналастырылды, ал Қазақстанда әлі прокатқа шыққан жоқ. Фильм Париж көрермендері тарапынан өте жылы қабылданды.
«Бұл үлкен әрі әдемі фильм. Бізге дәл мұндай фильм жетіспейді. Көркем суреті, әдемі кейіпкерлері мен актерлері бар, шектеулі кеңістікте өтетін күрделі фильмдер сирек кездеседі. Батыс киноөндірісі стандарттары бойынша, бұл фильм рекордтық мерзімде, қаражаттың шектеулі көлемімен түсірілген. Олар өз міндеттерін орындады», - дейді режиссер Янн Аврил.
«Бұл шынымен де жасырынып қалған қаһармандар, бірақ бұл сондай-ақ өте қайғылы тарих. Бүгінгі таңда әлемде болып жатқан оқиғалармен байланысты, сондай-ақ осындай сынақтарды бастан өткеретін адамдар бар. Фильмді көруден алған эмоцияларды сөзбен жеткізу мүмкін емес, меніңше, ол өте қызықты», - деп бөлісті Түркология студенттерінің Ассоциациясының мүшесі Гизем Даг.
«Соғыс тұтқындары» – Қазақстан мен Жапонияның бірлескен өндірісі. Фильмнің өндірісіне француз мамандары қатысты. Қазақстандық кино әлемнің әр түкпіріндегі көрермендер мен кәсіби мамандарға қызықты бола түсуде, дейді Париж фестивалінің дирекциясы.
«Бірнеше жыл бұрын біз мұнда «Манкурт коды» деп аталатын үлкен жобаны таныстырдық. Бұл деректі драма. Фильмнің дайындығы басталып жатыр. Оған әйгілі голливудтық Оскар иегері сценарист Дэвид Франзони қосылды. Осылайша, біз Қазақстандық жобаларымызды бүкіл әлемге таныстырып жатырмыз», - деп атап өтті Cinema Heritage фестивалінің атқарушы директоры Диана Ашимова.
«Кино мұрасы» фестивалі өткен жылы құрылған, бірақ уже өз көрерменін тапты. ЮНЕСКО-ның қолдауымен өтетін кино оқиғасы жергілікті жұртшылыққа жас дарындарды таныстыру, адамзаттық құндылықтарды насихаттау және халықтарды жақындастыруды мақсат етеді, дейді фестивальдің негізін қалаушы.
«Көптеген көрермендер, соның ішінде қазылар алқасы, қазақ фильмдерінің өте жоғары сапасын атап өтеді. Бұл Париж жұртшылығының қызығушылығын тудырады, және бұл орынды. Фестивальдің мақсаты – Париж көрермендерін біздің өлкеміздің жас дарындарымен таныстыру», - деп атап өтті Франциядағы Қырғызстан елшісі Садык Шер-Нияз.
Бұл жылы «Cinema Heritage» фестивалінің конкурс бағдарламасына Асхат Кучинчерековтың «Бауырына салу» драмасы, ал Қазақстанның ұлттық күні бағдарламасында Адильхан Ержановтың «Степной волк» триллері мен А-студияның әндеріне негізделген «Стоп, ночь» мюзиклі көрсетілді.