Президенттік орталықта Қазақстанның Суретшілер одағының құрметті мүшесі, Қазақстан Республикасы Сурет академиясының корреспондент-мүшесі Ақжан Әли мен белгілі австриялық ғалым, суретші доктор Джеральд Флориан Месснердің «Біз жалғыз емеспіз» атты бірлескен көрмесінің ашылу салтанаты өтті.
Бұл вернисаж Қазақстан халқы Ассамблеясының 30 жылдығына арналған.
«Біз жалғыз емеспіз» көрмесі – өнердің сөзбен жеткізу мүмкін емес нәрсені білдіре алатын тілге айналатын эксперимент. Әрбір жұмыс – адам тәжірибесінің біртұтас картинасын құрайтын ерекше мозаиканың фрагменті.
«Біздің Джеральд Флориан Месснермен бірлескен көрмеміздің тарихы шамамен 3 ай бұрын пайда болды, оның мақсаты – әртүрлі елдер мен ұрпақтардың суретшілерінің жұмыстарын көрсету. Бұл көрме келушілерге мәдени әртүрлілікті таныстыру, авторлардың шығармашылық ізденістерін сезіну үшін тамаша мүмкіндік. Бүгінгі шара барлығына өздері, әлем туралы жаңа нәрселерді ашуға мүмкіндік береді», – деді Ақжан Әли.
0Ақжан Толеубайқызы 1979 жылдың 5 қыркүйегінде Ақмола облысының Қорғалжын ауылында дүниеге келген. 2021 жылдан бастап астаналық Суретшілер одағында арт-менеджер болып жұмыс істей бастады, 40-тан астам көрмені ұйымдастыру мен өткізуге қатысты. Суретшінің туындылары Қазақстан, Австрия, Германия, Жапония, Нидерланд Корольдігі мен Марокконың жеке коллекцияларында сақталған.
1Доктор Джеральд Флориан Месснер – ғалым, суретші, музыкант, актер және жазушы. 1937 жылы Австрияның Бад-Айзенкаппель қаласында дүниеге келген. Клагенфурт педагогикалық колледжін (Австрия) бітіріп, онда өнер білімін алды, Вена музыкалық және драма өнері университетін (орындаушылық өнер дипломы) және Вена университетін (салыстырмалы музыка зерттеулері бойынша философия докторы) тәмамдаған.
Берлин, Гамбург, Клагенфурт, Люцерн және Венадағы ірі театрларда өнер көрсетті, сондай-ақ радио, кино және телевидениеде жұмыс істеді. Сонымен қатар, ол өлеңдер жазып, музыка композиторлығымен айналысады. Соңғы жылдары визуалды өнерін дамытуға көп уақыт бөліп, көптеген картиналар мен графикалық жұмыстар жасады, олар БАӘ, Австрия, Қытай мен Қазақстанда көрмеге қойылды. Флориан Месснер үшін бейнелеу, әдеби және орындаушылық өнер, живопись пен музыка бір-бірімен тығыз байланысты.
««Біз жалғыз емеспіз» атауы терең философиялық мәнге ие, бұл екі түрлі елдің, түрлі мәдениеттің, өмірге түрлі көзқарастармен келген екі суретшіні біріктіреді. Өнер арқылы кез келген шекаралар мен шеңберлер жойылады, және екі тамаша шебердің диалогы бізді шығармашылықтың ғажайып әлеміне енгізеді. Біз бұл вернисажды Қазақстан халқы Ассамблеясының 30 жылдығына арнадық, ол бірлік пен шығармашылықтың символы болып табылады», – деп атап өтті Президенттік орталықтың директор орынбасары Ботагоз Қайыпова өзінің құттықтау сөзінде.
2Австрия Республикасының Қазақстан Республикасындағы елшісі, сондай-ақ Қырғыз Республикасы мен Тәжікстан Республикасындағы елші Андреа Бахер бұл маңызды шара екі ел арасындағы екіжақты ынтымақтастықты одан әрі нығайтуға бағытталғанын атап өтті.
«Біз жалғыз емеспіз» көрмесі – өнердің сөзбен жеткізу мүмкін емес нәрсені білдіре алатын эксперимент. Әрбір жұмыс – адам тәжірибесі мен болмысының біртұтас картинасын құрайтын ерекше мозаиканың фрагменті.
Бұл экспозицияда Ақжан Әлидің 25 туындысы және Джеральд Флориан Месснердің 27 жұмысы ұсынылған.
Көрме 2025 жылдың 24 ақпанына дейін жұмыс істейді.