Ұмытылмас көрініс ғарыш әуесқойларын күтуде: Марс, Юпитер, Уран, Венера, Нептун, Меркурий және Сатурн планеталары қысқа уақыт аралығында Жердің кешкі аспанында көрінетін болады, деп хабарлайды Kazpravda.kz тілшісі ВВС Рус қызметіне сілтеме жасап.
Бұл құбылыс планеталар парады ретінде белгілі — бірнеше планета жақын орналасып, Жерден бақылағанда олар бір қатарда тұрғандай әсер береді.
Астрономиялық құбылысты (ғылыми ортада оны планеталардың үйлесімі деп атайды) 21 қаңтардан 28 ақпанға дейін бақылауға болады; бұл 2040 жылға дейін жеті планетаның жердіктер үшін осындай қолайлы түрде қатарласатын соңғы реті болмақ.
Ең көп планетаны көру мүмкіндігі күн батқаннан кейін сейсенбі, сәрсенбі, бейсенбі және жұма күндері болады.
Төрт планета — Меркурий, Венера, Юпитер және Марс — жалаң көзбен көрінеді. Сатурнды көру қиынырақ, себебі ол горизонтан төмен орналасады. Уран мен Нептунды көру үшін телескоп қажет болады.
Горизонттың жақсы көрінісі мен ашық аспанда барлық жеті планетаны көру мүмкіндігі артады. Алайда, бұл мүмкіндік өте қысқа болады.
Күн батқанда Сатурн мен Меркурий де батады, бұл оларды бақылау үшін ерекше қиындық туғызады.
Венера мен Юпитердің жарқырауы арқасында оларды байқау оңай, ал Марс айқын қызғылт реңкке ие болады.
Уран жалаң көзбен көруге техникалық тұрғыдан мүмкін, бірақ бұл үшін мінсіз көру қабілеті мен керемет жағдайлар қажет.