«Қасым-Жомарт Тоқаев Кувейт Мемлекетінің Ұлттық күнімен шейх Мишаал әл-Ахмад әл-Джабер ас-Сабахты құттықтады. Қазақстан Президенті өзінің телеграммасында Кувейттің саяси және экономикалық жетістіктерінің арқасында Таяу Шығыста және ислам әлемінде жоғары беделге ие екенін атап өтті», — делінген хабарламада.
Мемлекет басшысы Астана мен Доха арасындағы ынтымақтастық екі халыққа да оң әсер ететініне сенімді. Сондай-ақ Тоқаев шейхқа өз жұмысына табыс тілеп, Кувейт азаматтарына – гүлдену мен бақ-береке тіледі.
Еске салайық, Кувейт Мемлекетінің Ұлттық мерекесі (National Day in Kuwait) 1961 жылғы 25 ақпанда британдық протектораттан тәуелсіз мемлекет Кувейттің құрылуын және алғашқы әмірі Абдалла ас-Салем ас-Сабахтың тағына отыруын құттықтау үшін атап өтіледі.
Бір апта бұрын «Курсив» Тоқаевтың Литва Республикасының Президенті Гитанас Науседуны Литва мемлекетінің қалпына келтірілген күнімен құттықтағаны туралы жазған болатын. Қазақстан көшбасшысы Астана мен Вильнюс арасындағы жылы қатынастардың одан әрі дамуына сенімді.