Сингапурдағы халықаралық форум: Қазақстан мемлекеттік қызметтің гибридтік моделін таныстырды.
Форумның мақсаты – мемлекеттік қызметте жасанды интеллект мүмкіндіктерін пайдалану және цифрлық трансформацияны жүзеге асыру, таланттарды іріктеу, мемлекеттік қызметкерлер арасында жоғары этикалық стандарттарды қалыптастыру және адам ресурстарын басқару мәселелерін талқылау.
Панельдік сессияда сөз сөйлеген АДГС төрағасы Дархан Жазықбай агенттіктің мемлекеттік басшы Қасым-Жомарт Тоқаевтың агенттікті толыққанды стратегиялық HR-институтқа айналдыру жөніндегі тапсырмасын орындауға бағытталған қызметіне тоқталды. Ол мемлекеттік қызметте рекрутинг әдістерін қолдану, кадр әлеуетін арттыру және таланттарды тарту, цифрлық іріктеу жүйесін енгізу, бәсекесіз негізде мемлекеттік қызметке білікті мамандарды қабылдау, сондай-ақ еліміздің мемлекеттік қызметтің гибридті моделін қалыптастыру тәжірибесімен бөлісті.
Қатысушылар адам ресурстарын басқару, мемлекеттік қызметте жасанды интеллект мүмкіндіктерін пайдалану бойынша озық тәжірибемен алмасудың маңыздылығын атап өтті және жасанды интеллект саласында инновациялар үшін "қолайлы орта" құру, оның дұрыс қолданылуын қамтамасыз ету мәселелеріне назар аударды. Шетелдік сарапшылар Қазақстанның білікті мамандар мен талантты жастарды мемлекеттік қызметке тарту, мемлекеттік қызмет саласын цифрландыру, мемлекеттік қызметтің гибридті моделін қалыптастыру жөніндегі тәжірибесіне қызығушылық танытты.
Сингапурға сапар барысында Дархан Жазықбай Сингапур Премьер-министрінің мемлекеттік қызмет басқармасының басшысы Лео Иппен екіжақты кездесу өткізді. Кездесу барысында 2025 жылы мемлекеттік қызметкерлердің біліктілігін арттыру жөніндегі меморандум аясында жүзеге асырылатын шаралар талқыланды.
Сонымен қатар, АДГС басшысы Сингапур Ұлттық университеті мен Наньян технологиялық университетінің басшылығымен мемлекеттік қызметкерлердің біліктілігін арттыру мәселелері бойынша өзара ынтымақтастық жөнінде кездесулер өткізді.
Кездесудің нәтижесінде Қазақстан Республикасының мемлекеттік қызмет мәселелері жөніндегі агенттігі мен Сингапур Ұлттық университеті арасында өзара түсіністік туралы Меморандумға қол қойылды. Меморандум аясында мемлекеттік басқару және мемлекеттік қызмет саласындағы озық тәжірибемен алмасу, басшылық лауазымдардағы мемлекеттік қызметкерлердің біліктілігін арттыруға арналған қысқа мерзімді оқу курстары мен семинарларын ұйымдастыру, Ли Куан Ю мемлекеттік саясат мектебінің оқу бағдарламалары бойынша оқыту жоспарланған.
Сингапурға сапар барысында Дархан Жазықбай сондай-ақ Ұлыбританияның мемлекеттік қызметінің Бас директоры және Министрлер кабинетінің тұрақты хатшысы Кэтрин Литтлмен, Эстония Үкіметінің Кеңсесінің мемлекеттік хатшысы Таймар Петеркоппен, Моңғолияның мемлекеттік қызмет басқармасының төрағасы Цэдэвсурэн Лхагвамен екіжақты кездесулер өткізді. Кездесулер нәтижесінде мемлекеттік қызметті дамыту және оның цифрландыруы мәселелері бойынша өзара тәжірибе алмасу жөнінде келісімге қол жеткізілді.