Қазақстан мен СВМДА маңызды Протоколға қол қойды.

Қазақстан Республикасының Премьер-Министрінің орынбасары – Сыртқы істер министрі Мұрат Нұртілеу Азиядағы өзара іс-қимыл және сенім шаралары жөніндегі кеңестің (СВМДА) Бас хатшысы Қайрат Сарыбайды қабылдады.

Кездесу барысында М. Нұртілеу Қазақстанның, негізін қалаушы мемлекет және қазіргі уақытта Кеңестің төрағасы ретінде, СВМДА-ның қызметіне және оны толыққанды халықаралық ұйымға айналдыруға үлкен мән беретінін атап өтті.

Кездесуде Қазақстанның төрағалығының бастамалары мен басымдықтарын жүзеге асырудың қазіргі жағдайына, сондай-ақ СВМДА-ның одан әрі даму перспективаларына ерекше назар аударылды.

Кездесудің қорытындысы бойынша тараптар СВМДА Хатшылығының Қазақстан аумағында болу шарттары туралы Келісімге өзгерістер енгізу туралы Протоколға қол қойды.

Келісімге енгізілетін өзгерістер СВМДА Хатшылығының халықаралық мәртебесін БҰҰ және басқа халықаралық ұйымдардың практикасына сәйкес нығайтуға бағытталған.