Қазақстанның Сыртқы істер министрлігі Жапония елшісімен ынтымақтастық мәселелерін талқылады.

Қазақстан Республикасының Премьер-Министрінің орынбасары – Сыртқы істер министрі Мұрат Нұртілеу Қазақстандағы Жапонияның жаңа тағайындалған Елшісі Ясумаса Ииджиманы қабылдады.

Кездесу барысында тараптар екіжақты және көпжақты ынтымақтастықтың қазіргі жағдайы мен болашағын егжей-тегжейлі талқылап, биылғы жоспарланған өзара сапарлар мен жоғары деңгейдегі іс-шаралардың кестесіне ерекше назар аударды.

Екіжақты сауда көлемі мен Қазақстанға тікелей жапон инвестицияларының елеулі көлемін ескере отырып, сауда-экономикалық ынтымақтастықты тереңдетудің маңыздылығына ерекше көңіл бөлінді.

Қазақстан мен Жапонияның экономикалық ынтымақтастық жөніндегі мемлекеттік және жеке секторлардың Бірлескен комиссиясының маңыздылығы атап көрсетілді, бұл өзара тиімді серіктестікті дамытуға ықпал етеді.

Өз тарапынан Я.Ииджима екіжақты қатынастарды дамыту үшін белсенді ынтымақтастыққа толық дайын екендігін білдірді.

Қазақстанның Сыртқы істер министрі М.Нұртілеу Жапония Елшісіне Қазақстанда сәтті қызмет тілеп, жақсы тілектерін жеткізді.